Buorre idit Sápmi

Buorre idit Sapmi

  • 60 min
  • utgått

Sändningar

  • må 28.10.2019 9.00 • Yle Sámi Radio

Avsnitt

  • Duorastaga Buorre iđit Sápmi -sáddagis gullat Ella Márge Nutti gii lea jietnaneavttárin Jikŋon 2 filmmas. Su jietna lea nuorra Annas. Dan lassin gullat Heahtá skuvlla mánáid dovdduid das go sii besse gaskavahkku geahččat smáhkkabihtáža Jikŋon 2 -filmmas.

    Jikŋon 2 ságaid lassin gullat das go Hans Pedersen váiddii sámi vašši cealkámušaid ja áigu dan ain dahkat, go ii dohkket ahte son dahje eará sápmelaččat galget dárbbašit vásihit diekkáriid. Su lassin gullat Tromssa universitehta juridihkalaš fakultehta vuosttaš amanueansa Ánde Somby.

    Sáddagis lea mielde maiddái Sámi Dáiddafestivála lávdegoddelahttu Synnøve Pedersen. son muitala das go Álttás álgá duorastaga stuorra dáiddafestivála man oktavuođas Sámi Dáiddačehpiid Searvi lágida sierra dáiddafestivála go searvi ávvuda dán jagi 40 jagi.

    Sáddaga lágidit Anne-Ravna Allas, Thoralf Balto ja Inger-Elle Suoninen.

  • Buorre iđit Sápmi.

  • Dálmma čearu diggeášši lea dál hoavvarievttis, sámi vuoigatvuođat govddážis. Áššis gullat dál Karl Larsson, Mikael Ruotsi, Åsa Larsson Blind, Marita Stinnerbom ja Lars-Jon Allas. Mo manná mátkkoštanealáhusas, Kirsten Ellinor Guttorm Utsi ealáhussearvvis. Álgoálbmotgiellajagis álgá leat oktiigeasu áigi, Sámedikki presideanta Aili Keskitalo. Sohppar-ráiddu nuoraidgirjjiid suomagillii jorgala Kaija Anttonen. Álggii sámegielat vloggerin amas iežas sámegielmáhtu hedjonit, muitala Britt-Inger Ruotsala. Dološ bággojohtimiid váikkuhusain Per Erik Kuoljok ja Sámi oahppoplánain Mikkel Eskil Mikkelsen. Studios Ánne-Rávná Allas, Jouni Aikio ja Thoralf Balto.

  • Sámi dutkamii dárbbašuvvo eanet ruhta, guldal Lars Miguel Utsi jearahallama. Seksualitehtas, dan rievdamis, veagalváldimis ja jávohisvuođas dáin áššiin hállá Ane Margrethe Ugelvik, politihkkáringe. Sáhka maiddái sámegiela oahppamis Tampere gávpoga vuođđoioahpahusas, Jan Saijets ja Seija Ranttila. Nuortasámegiela universitehtaoahpuin, Ánne-Sire Länsman ja gilvočuoigi Aslak Ole Eira dálvvi álggahangilvvuin Olosduoddaris. Studios Thoralf Balto, Jouni Aikio ja Ánne Rávná Allas.

  • Bággojohtin 100 jagi dassá lea dehalaš oassi historjjás, muitala buvttadeaddji Sara Omma Simma SVT Sámis. Árktalaš álgoálbmotnjunnožat leat čoahkis Roavvenjárggas, Sámedikki nubbi várreságadoalli Tuomas Aslak Juuso mielas bures lágiduvvon ollislašvuohta. Jahkegirjji almmuheapmi lea stuorra dáhpáhus, studios Gudrun Eriksen Lindi. Sámi opera menestuvai Kanádas, rámida Rawdna Carita Eira. El-biila lea buorre buollašis maid dáhkida geavaheaddji Lars Robert Helander. Sáhka maid Sámi immateriála kulturárbbis, Silja Somby muitala mas dál lea sáhka. Studios Thoralf Balto ja Jouni Aikio.

  • Čoahkkinbeavdegirjjit ádjánit Ruoŧa Sámedikkis, dan imaštallá Olle Lundin. Árktalaš guovllu eallin ja biras ovdan stuorra čoahkkimis Roavvenájárggas, Sámiráđi ovdaolmmoš Åsa Larsson Blind jođiha ságastallamiid. Luonddu gal juolloge suodjalit, muhto oaččošedje maid báikki olbmuin jearrat, oavivlda girječálli Inger-Mari Aikio (govva: Vesa Toppari) Buolbmatjávrris. Duohtavuohta- ja soabadan komiššuvdna ásaheapmi boahtá dál Sámedikki ja nuortalaččaid giličoahkkima ovdii, Tiina Sanila-Aikio ja Veikko Feodoroff kommenttat. Queering Sápmi -čájáhusas muitala Runar Myrnes Balto. Biebmokultuvrabálkkašumi vuittii Máret Rávdná Buljo. Studios Lars Ola Marakatt, Thoralf Balto ja Jouni Aikio.

  • Buorre iđit Sápmi

  • Buorre iđit Sápmi.

  • Buorre iđit Sápmi -sáddagis lea sáhka earret eará das go Suomas leat leamašan sámeáššiid ráđđádallanbeaivvit, Ruoššas fas álgoálbmot olmmošvuoigatvuođa searvi galgá heaittihit iežas doaimma. Sámeskuvllas 95 proseantta oahpaheddjiin leat nissonolbmot. Vilhelmina davvi čearus lea lohpi báhčit guhtta albasa.

    Sáddaga lágidit Karen Eira, Thoralf Balto ja Inger-Elle Suoninen

  • Sámedikki stivralahtuin sierra oainnut das galgetgo kommenteret Vapsten diggeášši. Ságat Jikŋon II -animašuvdmafilmma vuosttaseahkedis Los Angelesis, gullat Per Olof Nutti ja Aili Keskitalo, sihke nieddažiid Elle Marge Nutti ja Ingá Risten Nystø Keskitalo vásáhusa ja árvvoštallama filmmas.Maarit Magga (govva: Nilla-Máhtte Magga) muitala duodje- ja govvačájáhusas man lea čohkken Nilla-Máhtte -fulkkiin. Čájáhus rahpasa eahkedis Eanodagas. Sáhka lea maiddái návddiin Norrbottenis ja Norgga Sámedikki bušeahttaárvalusas. Studios Marianne Boine, Kjell Marainen ja Jouni Aikio.

  • Diggeášši: Vapsten čearru buvttii ovdan oainnus, Per Magnusson ja Eivind Torp. Jikŋon 2 čájehuvvo eahkedis Los Angelesis, Ella Marge Nutti ja Aili Keskitalo vuordiba oaidnit maid "násttiid". Máret Inger Anti bovdejuvvon Lulli-Sámi filbmafestiválii, Sámi allaskuvla maid rámis filbmaovdánumis, muitala Liv Inger Somby. Njuorggámiige huksejuvvo ođđa skuvla, dat lea Ohcejoga gielddas juo goalmmát skuvlahuksenbargu, muitala Markku Porsanger. Loabat ávvuda go leamaš logi jagi sámesuohkanin. Lars Joar Halonen ja Hege Rollmoen. Studios Marianne Boine, Kjell Marainen ja Jouni Aikio.

  • Dikkis vuostálagaid Vapsten čearru ja Vapsten Lappby -searvi, olbmot geat eai leat čearu miellahtut. Sámedikki stivrra várreságadoalli Lars Miguel Utsi čuovvu gearregiid. Vapsten-áššis gullojit vel Eivind Torp ja Jan Södergren. Nuortasápmelaš Tuomas Kiprianoff áŋgiruššá guollečáziid buorideami ovdii, báikkálaš čáhcefápmolágádussii unnán šat dárbu. Jikŋon II filmmas oktan jietnan lea neavttár Mikkel Gaup, dasa lei gul álki searvat. Valástallanlihtu SVLN jođiheaddji Ole Einar Hætta deaivvada Sámedikkiin. Giellabargi Mikkel Rasmus Logje muitala mo son oahpai suomagiela mánáidfilmmain. Studios Marianne Boine, Kjell Marainen ja Jouni Aikio.

Lyssna också