Beaivvi sagat

ti 4.10.2016

  • 7 min
  • tillsvidare

Gahpirat, liinnit ja gávttit duddjojuvvojedje duodjegurssas Helssegis, gosa Elle-Máret Helander lei boahtán oahpahit gávpotsámiid duddjoma máilbmái. Duodjevahkuloahpat leat šaddan dehálažžan duodjeberošteddjiide, geat duoji bokte deaivvadit ja oahpasmuvvet nuppiideaset iešguđet sohkabuolvvas.
Dál gullat, mii Elle-Máret Helandera geasuha oahpahanbargui, ja maid Inka Musta smiehtada liinni riessumis. Doaimmaheaddji Helga West

Sändningar

  • ti 4.10.2016 9.41 • Yle Arenan

Avsnitt

  • Puáttee ive Aanaar Skammâkoveh-filmâfestivaal fáddán lii Tave-Amerika algâaalmug elleekoveh. Festivaalijn čáittoo ovdâmerkkân filmâ Smoke signals, mii lii vuossâmus elleekoveteatterist čaittum Tave-Amerika algâaalmugfilmâ. Festivaal tooimâjođetteijee Sunna Nousuniemi muštâl meid, manen ohtân fáddán lii väljejum taistâlem. Toimâtteijen Mikkal Morottaja.

  • Ohcejoga čuvgehuslávdegotti sámegiela juogus evttoha vuođđudit Njuorggámii giellabeasi ja ruhtadit dan oassái Gáregasnjárgga giellabeassái čujuhuvvon mearreruđain. Čuvgehuslávdegoddi gieđahallá ášši boahtte vahkus.
    Njuorggáma bearašbeaivedivššus leat dál logemat máná, muhto mearri lea lassáneamen, muitala Ohcejoga čuvgehushoavda-rektor Laura Arola. Su jearahalai Linnea Rasmus.

  • Boazobiellu mobiila-aplikašuvnnain ámmátvuoddjit váruhit olbmuid bohccuin geainnu alde. Dá gullat, maid táksevuoddji Nils-Henrik Magga oaivvilda Boazobiellu aplikašuvnnas. Doaimmaheaddjin Linnea Rasmus.

  • Vuohčulaš Jarmo Magga illuda ođđa álšasáles ja áigu goit oktii vahkus johtigoahtit doppe. Doaimmaheaddjin Kirsti Länsman

  • Doaimmaheaddji Susanna Guttorm lea gulaskuddan Anára márkanis, sámeorganisašuvnnain Sámedikkis ja Sámemusea Siiddas mo sii váldet vuhtii hádjaherkkiid. Sámedikki hálddahushoavda Pia Ruotsala-Kangasniemi muitala, ahte Sámedikkis leat váldán vuhtii olbmuid, geain lea hádjahearkivuohta.

  • Vuohčus rahppui dán mánu álggus álšasále. Vuohču olbmot leat rahčan garrasit dan ovdii. Doaimmaheaddji Kirsti Länsman lea fitnan Vuohčus gullamin Unna Maari Pulskas makkár barggu duohken álšasále lei.

  • Sámediggi lea háhkan Cloubi-prográmma geavahanvuoigatvuođaid sámegielat interaktiivvalaš digitálamateriálaid ráhkadeami várás. Dan dihte Sámediggi skuvlen- ja oahppomateriáladoaimmahat ordne 28.-29.9.2017 ja 4.-5.10.2017 skuvlejumi Cloubi-prográmma geavaheamis. Sámedikki skuvlen- ja oahppamateriálalávdegotti mihttomearrin lea lasihit sámegielat digitálamateriálaid buvttadeami, muitala sámedikki oahppamateriálačálli Hannu Kangasniemi. Doaimmaheaddjin Susanna Guttorm.

  • Porokello nappo boazobiellu mobiila-aplikašuvdna lea leamašan badjelaš jagi ámmátvuoddjiid geavahusas Suoma boazodoalloguovllus. Aplikašuvnnain sii váruhit bohccuin johtolagas. Mannan vahku gaskavahku rájes maiddái eará vuoddjit sáhttet luđet telefovdnii Boazobiellu-aplikašuvnna, mainna sii sáhttet váldit vuostá ámmátvuoddjiid boazováruhusaid. Porokello-prošeavtta prošeaktahoavda Maria Timo Huhtala muitala eanet. Doaimmaheaddjin Linnea Rasmus.

  • Sano se saameksi, Daja dan sámegillii, -prošeakta bálkkašuvvui Helssegis Suoma stáhta bálkkašumiin. Daja dan sámegillii lea neahttasiidu, mas leat čállosat sápmelaččaid birra sihke frásasátnegirji. Dan lassin siiddus leat maid báttit main Niillas Holmberg dadjá daid frásaid. Niillas Holmberg lea leamašan álggu rájes mielde bargamen dainna prošeavttain. Son illuda sákka go dat prošeakta bálkkašuvvo 15 duhát euro stáhta bálkkašumiin. Doaimmaheaddjin Xia Torikka.

  • Anára Luondduustibat rs hálida Anárjávrri álbmotmeahccin. Sii hálidit seailluhit jávrri boahttevaš buolvvaide ja ráddjet lustastobuid huksema. Juovlamánus sii áigot bidjat johtui neahttaadreassa ja čoaggit namaid álbmomeahccejurdaga bealis, muitala ságajođiheaddji Ilkka Roininen. Doaimmaheaddji Ritva Torikka

  • Anárláš gielddapolitihkkár, gielddaráđđehusa ságajođiheaddji oaivila mielde Anáris lea jo doarvái suodjaluvvon. Anárjávrriin sáhttá su mielas ávkkástallat lávva- ja eanageavaheami plánemiin kontrollerejuvvon vugiin. Doaimmaheaddji: Ritva Torikka

  • Suoma beale sámis leat dán vahkus ságastallan giellaáššiid birra. Suoma giellaláhka geatnegahttá fállat sámegielat bálvalusaid jogo dulka bokte dahje de galget leat sámegielat bargis. Suoma beale sápmelaččat goittotge hárve geavahit sámegiela, go dikšot áššiid eiseválddiiguin. Ohcejohkalaš Luobbal Jovsseta Esko, Esko Aikio, galgá bolesa gážadeapmai lobihis sáimmastallama dihte. Son lea mearridan gáibidit sámegielat gážadeami, go sutnje lea olu lunddolut hállat iežas eatnigillii. Doaimmaheaddjin Xia Torikka

Inga kommande avsnitt

Klipp

  • Sámisostera Buorre boahtteáigi – Boazosápmelaččaid buresveadjima ja oassálastima ovddidanprošeakta ordne Searas boazosámiide lášmmohallanbottuid Heahtás ja Gárasavvonis. Saara Ketola lea daid joavkkuid movttegis jođiheaddji ja dál gullatge ahte maid jurddaheaba Heahta SBS-joavku lášmmohallit Káren-Ann Proksi ja Marja Näkkälä. Muhto álggos vehá lášmmohallat. Doaimmaheaddjin Minna Näkkäläjärvi

Lyssna också