Beaivvi sagat

må 1.2.2016

  • 8 min
  • tillsvidare

Viimátge Hetta Hiihtomaa dahje Jyppyrä lea rahpan uvssainis dahje luohkkainis čierastalliide. Lávvordaga lei nuvttá čierastallanbeaivi ja čierastallit, erenomažit unná čierastallit ledje illudahtti olu.
Hetta Hiihtomaa čierastallanbáiki lea rabas gaskavahkkuin, bearjadagain, lávvordagain ja sotnabeivviin ja maŋŋel čuoiganluomu, logat vahku, de gaskavahkus sotnabeaivái, vihtta beaivvi. Buolašrádji dáida leat -20 ja Hetta Hiihtomaas leat neahtasiiddut lehkeme, nu ahte gánneha doppe finistit guovlaleame maŋimus dieđuid omd. buolašráji birra, eandalitge jus guhkkileappos lea áigome boahtit čierastit. Doaimmaheaddji Minna Näkkäläjärvi

Sändningar

  • må 1.2.2016 10.25 • Yle Arenan

Avsnitt

  • Avvila logahaga nuppi luohká oahppit vulge Romai sotnabeaivve. Sii leat bargan doppe ovtta buorredagolašvuohtaorganisašuvnna, Caritas doaibmabáikkis, gos báhtareaddjiide fállojuvvo juohke beaivve beaivemális. Doppe sii leat beassan juohkit nuvttá borramuša báhtareaddjiide ja veahkehit čorgemis, lihtiid bassamis, luniid sorteremis ja eará bargguin.

    Lifu Torikka mielas lea leamaš hui somá oaidnit Roma gávpoga, ja seammás oahppat báhtareaddjiid eallimis. Son lea maid smiehttagoahtán, ahte sáhtášii vehá boarráseabbon vuolgit gosa nu eará riikii eaktodáhtolažžan veahkehit elliid dahje olbmuid.

    Iisko Hirvasvuopio ii leat ovdal fitnan Helssega máddeleabbos. Son muitala, ahte Roomas lea liekkas ja olu maid oaidnit. Liekkasvuođa ja beaivváža son boahtá váillahit mátkki maŋŋá.
    Dasa son ii liiko, go Romas ii gávdno roavvaláibi, ja fállun lea dušše pizza ja pasta.
    Báhtareaddjit eai Hirvasvuopio fuomášumi mielde oidno nu olu Roma guovddážis, vaikko dat leatge olu. Eaktodáhtolaš bargu báhtareaddjiiguin lea Hirvasvuopio mielas áibbas somá ja das oaidná buotlágan kultuvrraid ja vieruid.

    Dán jearahallamis gulat álggus Lifu Torikka sámegielat jearahallama, ja dan maŋŋá Iisko Hirvasvuopio suomagielat jearahallama. Doaimmaheaddjin Linnea Rasmus. Govva: Ulla Keskitalo.

  • Gávcci Avvila logahaga nuppi luohká oahppi leat vuolgán Romai bargat eaktodáhtolažžan báhtareaddjiiguin. Seammás sii deivet skuvllalaččaid ustitvuođaskuvllas Palermos Sisilias. Mátki lea oassi sin oktasaš Erasmus-prošeavttas, man fáddan lea báhtareaddjit Eurohpás.

    Mátkkis vástideaddji oahpaheaddji Ulla Keskitalo muitala, ahte prošeavttain sávvet váikkuhit dasa, ahte vašši ja ballu olgoriikkalaččaid vuostá jávká. Ulla Keskitalo muitala lasi prošeavttas dán suomagielat jearahallamis. Doaimmaheaddjin Linnea Rasmus. Govva: Ulla Keskitalo.

  • Goalmmát ArcticSkills 2018 dollojuvvui Duortnosis dál gaskavahku 18.4. 2018 ja doppehan Barentsa guovllu ámmatskuvllaid nuorat gilvalit gaskaneaset sierra ámmatdáidduiguin. Eanodatláš Giehtaruohttasa nieida, Marianne Ketola Sámi Oahpahusguovddážis lei okta dain sulaid 50 nuorain ja su gilvalansuorgi lei boazodoallu. Dál gullat mot sus doppe gilvvohallamis manai. Doaimmaheaddji Minna Näkkäläjärvi

  • Turismafitnodatdoalli Muonio Harriniva doaibmajođiheaddji Niina Pietikäinen oaidná buriidge vejolašvuođaid ovddidit tursimmas Struven golmmačiegatmihtidangollosa báikái Stuorahanoaivái. Doaimmaheaddji Anneli Lappalainen

  • Go ládjogahpir beaggigođii, Sámi oahpahusguovddáža garraduodjelektor Sámmol Jon Jovnna, Jouni Laiti movttáskii duddjot fiera, nappo dan muorračoarvvi, mii ládjogahpiris lea siste. Son duddjui dan varas muoras ja fierra šattai deaddit juoba uhcit go jierbmetelefovdna. Jovnna Laiti oaivvildage, ahte ii leat dárkkuhus, ahte oaivvi alde livččii makkárnu halgu.

  • Suoma Sámis leat ealáskahttimin dološ ládjogahpira. Outi Pieski ja Eeva-Krisitiina Harlin leaba iežaska ládjogahpira ealáskahttinprošeavttas dan muttus, ahte leat ovddit vahkuloahpas doallan vuosttaš ládjogahpira goarrunkurssa Ohcejogas. Sámi oahpahusguovddáža duodjelektor Anniina Turunen oassálasttii maid dán kursii. Doaimmaheaddji Linnea Rasmus háleštii suinna, makkár dat lea duddjot ja maid son jurddaša dán dološ gahpiris.

  • Sámi jienat koarrra lea dál geargan iežas luohteprošeavttain, boađusin lea buorre miella ja CD-skearru. Koarra loahpahii iežas luohteprošeavtta unna konseartain Avvilis Davvi-Suomas. Dát ii leat stuorra loahppakonserta dainna mihtuin, ahte stuorra olmmošálbmot livččii čoahkkanan. Muhto unna ja liekkus dáhpáhus lávvardaga cuoŋománu 14. eahkedis hotealla restoráŋŋas. Dirigeanta Bernt Mikkel Haglund láidestii moattelot heakka koara dán vuoro maŋimuš geardde lávddi ala. Mielde dán ságastallamis miaddái konseartta geahčči Irja Seurujärvi-Kari ja koara lahtuin álto Eldbjørg Sahlberg ja tenora Sauli Guttorm.
    Doaimmaheaddji: Jovnna Aikio

  • Dán jagáš dáiddadáhpáhusas lei okta áibbas ođđa luohkká, go nuorat ja mánát besse govvet ieža Youtube-videoid ja sáddet daid gilvui, nappo tubetit. Olles 35 iešguđetlágan filmmaža oassalaste dáiddadáhpáhussii. Gilvvu duopmáriid Xia Torikka, Aleksi Ahlakorpi ja tubedeaddji Mansikkka jiellat filbma lei Avvila skuvlla ovdaskuvlalaš Elle-Máárjá Siltala ráhkadan video. Son lei duopmáriid mielas govven iežas eallima movttegis vugiin, man lei somá geahččat. Martta Alajärvi ságastalai dáiddadáhpáhusa maŋŋil Elle-Máárjá Siltalain tubefilmmaid ráhkadeamis.

  • Sámenuoraid dáiddadáhpáhusa musihkkaluohká duopmár, dáiddár Niillas Holmberg lei vuosttas háve dáiddadáhpáhusa duopmárin. Su mielas dáidaga lea álo váttis árvvoštallat, muhto son illuda, go nuorat leat fas juoigagoahtán ja árbevirolaš sámemusihkas lea sadji nuoraid kultureallimis. Heli Huovinen jearahalai Niillas Holmberga dáiddadáhpáhusa maŋŋá.

  • Heahtá skuvlalaččat ledje iđitviđá juo lihkkan ja vuolgán Heahtás Anárii Sámenuoraid dáiddadáhpáhussii dušše beaivemohkki. Gárásavvonlas Sunna Siilasjoki oaivvilda, ahte vaikko mátki lea guhkki, dat lea dan veara. Dát leige su maŋimuš dáiddadáhpáhus, go son lea ovccát luohká oahppi. Vuolgga leige duorastat čuovganeames, muitala Heahtá skuvlla oahpaheaddji Ulla Magga.

  • Anáris Sámekulturguovddáš Sajosis lágiduvvo miessemánus Sámi njálmmálaš árbedieđuid konferánssa. Dat lágiduvvo Davviriikkalaš ovttasbargun, lágideaddjit leat Suoma, Ruoŧa ja Norgga sámedikkit, Sámi Dáiddaráđđi, Sámiráđđi, Sámi Duodji-Sameslöjdstiftelsen ja Dáidaga ovddidanguovddáš Taike. Konferánssa ulbmilin lea smiehttat davviriikkalaččat oktasaš njuolggadusaid, maiguin suodjalit Sámi njálmmálaš kulturárbbi.

    Dán jearahallamis Suoma sámedikki kulturčálli Riitta Orti Berg muitala, makkár konferánsa das lea šaddamin ja mas lea vuolgán jurdda dakkár davviriikkalaš dáhpáhusa ordnet.

    Doaimmaheaddjin Linnea Rasmus.

  • Iešsorbmemiid eastadanskuvlejupmi Suoma Sámis lei geasuhan moatti oahpaheaddjige searvat, go Jovnna Laiti ja Máret-Ingá Länsman oassálasttiiga skuvlejupmái Anáris.

    Máret-Ingá Länsman ii álggus livčče oba hálidange oassálastit, muhto bággii iežas, danin go anii kurssa dehálažžan. Garraduoji oahpaheaddji Sámmol Jon Jovnna, Jouni Laiti muitala, ahte oassálasttii skuvlejupmái iežas barggu beales, vai oahppá, mo iešsorbmemiid sáhttá gieđahallat.

    Doaimmaheaddjin Linnea Rasmus.

Inga kommande avsnitt

Klipp

  • Sámisostera Buorre boahtteáigi – Boazosápmelaččaid buresveadjima ja oassálastima ovddidanprošeakta ordne Searas boazosámiide lášmmohallanbottuid Heahtás ja Gárasavvonis. Saara Ketola lea daid joavkkuid movttegis jođiheaddji ja dál gullatge ahte maid jurddaheaba Heahta SBS-joavku lášmmohallit Káren-Ann Proksi ja Marja Näkkälä. Muhto álggos vehá lášmmohallat. Doaimmaheaddjin Minna Näkkäläjärvi

Lyssna också