Beaivvi sagat

Boazobiellu-váruhanortnet sáhttá gádjut boazováhágis

  • 4 min
  • tillsvidare

Boazobellu–váruhanortnet iskkadeapmi álggii mannan jagi ja dál dat leamašan mihcamáraid rájes anus ámmátbiilavuoddjiin. Táksivuoddji Soili Arrela Anáris leamašan fárus ovddideamen dán ortnega.
Boahtte čavčča rájes Porokello –váruhanortnet leavvá dábálaš olbmuide. Dán sáhttá luđet nuvttá alcces. Váruheapmi seailu goittotge ámmátbiilavuoddjiiguin dán luohtehahttivuođa geažil. Soili Arrela mielas váruhanortnega sáhtašii buoridit nu, ahte viidodat gos buozu johtá gálggašii leat doarvái stuorra dahje váruhanáigi lea menddo guhki go boazu lea nu jođánis ealli. Dál váruhanáigi lea sullii ovtta diimmá ja viidodat leat sullii 750 mehter duohken. Son lea hárjánan geahčadit geaidnu rávddaid go vuoddjá biillain. Dát dáhpi lea guovllu olbmuide dábálaš go leat johtolagas. Soili mielas váruhanortnet leat álgi geavahit iige dás leat fuonesbealit. Dušše telefovnna ferte luđet oppa áigge. Go vuoddji oaidná bohcco johtolagas, de son deaddila telefovnna šearpmas ruoná rieggá. Nu vuoddjit váruhit nubbi nuppi. Doaimmaheaddji: Anneli Lappalainen

Sändningar

  • to 22.9.2016 14.50 • Yle Arenan

Avsnitt

  • Eanodatláš Mihku Näkkäläjärvi lea guvttiin olbmáinis vuolgime boahtte geasi stuora Vectorama- fierbmespealuid dáhpáhussii Oului.
    Mihku Näkkäläjärvis ja Juho Välitalos lei diibmá geasset, juo Heahtás boares dihtorspealuid čájáhus ja dál dainna seammá čájáhusain soai leaba manname Oulu lani- dáhpáhussii, mii lea suoma njealját stuorimus lani- speallan dáhpáhus.
    Mainna mielain Mihku Näkkäläjärvi lea Vectorama dáhpáhussii vuolgime, dán gullat dál. Jearahallan lea suomagillii. Doaimmaheaddji Minna Näkkäläjärvi

  • Lullisuopmelaš Tuula Blum, Tervos eret, lea juo 16 jagi boahtán Eanodaga jiekŋaoaggunvahkku ja odne son lea Bálojávrris oaggume. Dat movttegis nissonolmmoš ii nuge leat duođalaččat váldime ieš gilvvohallamiid, son boahtá eanetge vásihit ieš oaggungilvohallamiid atmosfeara dain buot unná gilážiin, daningo juohke gilvvohallanbáiki ja gilvu lea iežasládje erenomáš sosiálalaš dáhpáhus. Jearahallan lea suomagillii ja doaimmaheaddjin Minna Näkkäläjärvi

  • Eanodaga, ohcejoga ja Anára johkaguolasteapmi rievdá miessemánu álggus, go ođđa guolastanláhka boahtá fápmui. Doaimmaheaddji Erkki Gauriloff lea jearahan Meahceráđđehusa plánejeaddji Jarmo Huhtamellalle dain rievdadusain. Jearahallan lea suomagillii

  • Dáiddar Outi Pieski ja arkeologa Eeva-Kirstiina Hartlin leaba dáhkamin dutkanprošeavtta dološ ládjogahpira. Soai leaba earret eará museain dutkkan boares gshpiriid. Dáiddar Outi Pieski lea dál dan vearre movttiidan dán áššis, ahte son hálida maid alcces goarrut dákkár gahpira. Rávvagiid sutnje addá giellabargi Miina Seurujärvi, guhte lea gorron alcces dákkár gahpira. Kaisa Aikio jearahallan.

  • "Maŋŋebárgga Helssegis almmustahttojuvvui raporta, man fáddá ii livččii sáhtán leat eanet áigeguovdilis sámiide, namalassii Suoma sámepolitihka dilli. Dan sisdoallu gieđahallojuvvui Samerna i Norden -semináras, mii geasuhii stuorra joavkku guldalit sámiid vuoigatvuođaid ollašuvvama birra dálá politihkalaš dilis. Raporta sáhttá lohkat Ajatushautomo Magma neahttasiidduin. Dál gullat, mo raporta čalli, Lia Markelin, earuha duohta dieđu boasttudieđus, ja mo Sosiálademokráhtaid nuoraid ságadoalli, Mikkel Näkkäläjärvi rávvesta láhttet sosiála medias, go ságastallan duoldagoahtá."Doaimmaheaddjin dás lei Helga West

  • Bálgosiid ovttastus lea guoddalan Mavi áššemeannudeami riikkabeivviid vuoigatvuođaáššeolbmui. Mavi attii almmolašvuhtii jagi 2015 spirevahátbuhtadusaid oažžuid namaid. Bálgosiid Ovttastus oaivvilda dan láhkarihkkumin. Bálgosiid ovttastumi doaibmajođiheaddji Anne Ollila lea jearahan doaimmaheaddjin Anni-Saara Paltto

  • Sámedikki ordnii ikte Heahtás mânnodaga 24.4.2017 Min Árbi ságastallandilálášvuođa, mas joavkkuiguin smihtte sámiid árbevirolaš dieđu ja máhtu seailluheami, ovddideami ja ávkkastallama.
    Okta ságastallandilálášvuođa oasseváldiin, Sámegiela oahpaheaddji ja duojár Maarit Magga, livččii háliidan eanet ságastalliid dehalaš dilálášvuhtii. Doaimmaheaddji Minna Näkkäläjärvi

  • Heahtá gávpi J Ad Rantakokko lea ávvudan dán vahku 90-jagi beaivvi ja ikte gaskavahku lei gávppis fállamuššan gáhkut ja gáfet olbmuide. Gullát dál ságaid olbmuin geat ledje ávvubeaivve Rantakokkoi boahtán. J Ad Rantakokko boares eaiggáda Leena Rantakokko, áššehasa Katja Stoor ja Rauna Laukka sihke guhkesáigásaš bargi Eine Laurila muittašemiid ja dovdduid Rantakokko 90-jagi ávvubeaivve boahtán. Doaimmaheaddji Minna Näkkäläjärvi

  • Eanodaga oaggunvahku cup gilvvohallama njunnošis lea dál muonálaš Jani Rauhala, ovddit jagiin leat dáidán vuoitut mannat eanetge lullisupmii. Mainna mielain Jani Rauhala lei ikte oaggume Bálojávrris, mii lea dat su suollemas goansta dán jiekŋaoaggumis? Jearahallan lea suomagillii. Doaimmaheaddjin Minna Näkkäläjärvi

  • Bálojávrri oaggungilvvohallamis ikte deaivai doaimmaheaddji maid geassseguollebivdi kihlankilaš Juhani Salmela, gii vehá amasta rievdadusaid maid ođđa guolastanláhka buktá mielddis báikegotti olbmuide. Jearahallan lea suomagillii ja doaimmaheaddjin Minna Näkkäläjärvi

  • Vectorama fierbmedihtorspeallan dahje lani-dáhpáhus lágiduvvo Oulus dán jagi geassemánu 8.-11. beivviin. Mainna mielain dáhpáhusa prošeaktahoavda Jussi Korpimäki vuorddáša dáhpáhusa ja erenomaš čájáhusa, mii galgá gitta Eanodaga rájes dohko boahtit. Jearahallan lea suomagillii, doaimmaheaddjin Minna Näkkäläjärvi.

  • Makkár jurdagiin Min Árbi Heahtá dilálášvuođa ordnejeaddji, Sámedikki birasčálli Anni-Helena Ruotsala. Doaimmaheaddji Minna Näkkäläjärvi

Inga kommande avsnitt

Klipp

  • Sámisostera Buorre boahtteáigi – Boazosápmelaččaid buresveadjima ja oassálastima ovddidanprošeakta ordne Searas boazosámiide lášmmohallanbottuid Heahtás ja Gárasavvonis. Saara Ketola lea daid joavkkuid movttegis jođiheaddji ja dál gullatge ahte maid jurddaheaba Heahta SBS-joavku lášmmohallit Káren-Ann Proksi ja Marja Näkkälä. Muhto álggos vehá lášmmohallat. Doaimmaheaddjin Minna Näkkäläjärvi

Lyssna också