Beaivvi sagat

fr 29.7.2016

  • 5 min
  • tillsvidare

Min doaimmaheaddji Xia Torikka finai ikte Čeavetjávrebeaivvis gos dánsejedje katrilla. Katrilla lei oahpaheamin Yle Sámi ovddeš nuortalašdoaimmaheaddji Eeva Nykänen ja son muitaliige Xiai vehá katrilla birra.

Sändningar

  • fr 29.7.2016 14.30 • Yle Arenan

Avsnitt

  • Gullat dál mot vuollesohpparláš Simon Issát Marainen ja áđevuopmelaš Laila Idivuoma meinnejit Mihcamáraid ávvudit. Doaimmaheaddjin Minna Näkkäläjärvi

  • Simon Issát Marainen ja Ára joavku čuojahit Ijahis Idja dáhpáhusas dán jagi. Makkárson eará plánat leat Simon Issáhis geasi várás ja mot suinna manai Duiskka Kaselis, máilmmis stuorámus ođđa dáidaga čájáhusas, dán gullat dás, muhto báhpa biiggá luođi eat. Doaimmaheaddjin Minna Näkkäläjärvi ja Ánne-Sárá Paltto

  • Väyläfestivála lea juo bistán olles vahku ja festivála dieđáhusas daddjo ahte Väyläfestivála gelddoleamos ja innovatiivaleamos konsearta šaddá leat Eanodaga girku Möte-eahkeskonsearta, gos juoigi Simon Issát Marainen ja piánista Paavali Jumppanen deaivvadeaba. Ulbmilin dán Mihcamár bearjadaga girkokonsearttas lea riegádahttit áidnalunddot dáidaga.
    Simona Issát Marainennai mielas okta erenomášvuohta dan konsearttas lea dat, go soai eaba leat vel oktiige Paavali Jumppasiin oaidnalan ja vuosttáš háve soai hárjehallaba konseartta várás easka moadde diimmu ovdal konseartta. Mot jáhka Simon Issát Bethovena piánošuoŋat heivejit oktii luđiiguin, dán gullat dál. Möte-konsearta álgá Heahtá girkus 23.6.2017 dii 20.00 rájes. Doaimmaheaddjin Minna Näkkäläjärvi ja Ánne-Sárá Paltto.

  • Suoma guhkimus tráhpaid bajás

    Saana Hillrace Highland Games garraseamos gilvu lei viehkat Saana duoddara ala. Viehkangilvu ii goittotge geasuhan beare máŋgasiid. Dušše guđas gilvaledje das, gii lea falimus goargŋut bajás Suoma guhkimus tráhpaid. Suoma Hihgland Games meašttiriin gilvui ii oasálastán go okta, Kaisa Leppänen-Gomes, muhto su mátki bajás lei losit go eará gilvaleaddjiin. Kiltti-čuvla luohkás Kaisa Leppänen-Gomes šattai guoddit vel logi gilo liikedeattu duottar alážii ja dat buvttii hástalusaid njealji kilomehtera mátkái. Jearahallan lea suomagillii, doaimmaheaddjin Minna Näkkäläjärvi ja Ánne-Sárá Paltto

  • Sáná Hillrace Highland Games promočájehangilvvohallamii Heahttái ledje golbma vánggeslágan gilvvohalli boahtán. Guokte sis Suoma meaštirat Highland Gamesis iežas luohkáin; badjel 40-jahkásaččain Jyrki Rantanen ja Rabas luohkás Yrjö Hämäläinen goalmmát gilvvohalli lea Suoma meašttirdási geađgespábba hoigi Roavvenjárgalaš Henri Pakisjärvi. Álgoálggos lei jurdda ahte dán moatti beaivvi gilvvohallamii livčče váldán oasi maid Norgga ja Ruoŧa gilvvohallit, muhto lápmahuvvamat hehtte oasseváldima dán háve. Ikte Heahtás gilvvohallet Kiltti- hámehiiguin deaddokubihka bálkesteamis, nađđašluppoha šlivgemis ja hirssa hoigamis. Gilvvohallama šlájat leat erenomážat ja dat leige okta sivva manin justá Eanodahkii lea Voimalajiliitto (fápmošlájaidlihttu) háliidan buktit dán gilvvu; Eanodagas gávdnojit Suoma alimus duoddarat ja duovdagat sulastahttet Skottlándda duovdagiid, gos Highland games álgoálggus leat vuolgán. Gullat dál mainna mielain Henri Pakisjärvi oassálasttii vuosttáš háve Highland gilvui ja vuittii dieđus deaddokubihka bálkesteamis. Gullat maid hárjánan Highland gilvvohalli Yrjö Hämäläinen, gii Heahttá čájehanpromo gilvvus vuittii fas nađđašluppoha šlivgemis ja hirssa hoigamis. Ollu geahččit eai lean báikki nala boahtán, muhto heahttálaš Asko Kärki goit liikui dákkár erenomáš dáhpáhussii.

    Sáná Hillrace Highland Games joatkašuvvá lávvordaga Gilbbesjávrris Sáná Hillrace viehkamiin. Viehkamis lea almmolaš, dievdduid ja nissonolbmuid luohkkát, sihke Kiltti-luohkká. Voimalajiliitto sátnejođiheaddji Jyrki Rantanen muitalii ahte viehkangilvvohallamii sáhttá velge almmuhit mielde neahtta bokte www.heavyevents.fi/fi-Saana-Hillrace ja jus it hálit gilvvohallat muhto baicce doarjut ráinnas lihkadeami, de sáhttát váldit oasi Matkaaja- luohkkái. Viehkan Sáná- duoddara tráhpaid mielde bajás álgá lávvordaga diibmu 11.00
    Eahkes diibmu 18.00 rájes oaidnit Highland Games loahpagilvvohallamiid geađggi hoigamis ja deattu allodat bálkesteamis ja de easka čielgá gii lea dán vuosttáš Sáná Hillrace Highland Games Suoma Meašttir.
    Jearahallan lea suomagillii, doaimmaheaddji Minna Näkkäläjärvi

  • Saana Hillrace Highland Games-gilvvuid promočájehan gilvvu dollojuvvo odne duorastaga (15.6.2017) Heahtás, Heahtá skuvlla olgolihkkadanbáikkis. Promogilvvohallan álgá diibmu 18.00. Suomafápmošlájaidlihttu sátnejođiheaddji Jyrki Rantanen lea guvttiin eará Suomameaštiriin čájeheame mas dán gilvvohallamis lea jearaldat. Dál gullat Jyrki Rantasa, go son muitala gilvvuid birra ja manin Highland Games su mielas heive justá Eanodahkii ja Gilbbesjávrái. Highland Game gilvu joatkášuvva Gilbbesjávrris lávvordaga Sáná Hillrace viehkangilvvuin ja dalle vihket earet eará "Kiltti"-luohka viehkit deattut selggiin Sáná tráhpaid bajás. Sáná Hillrace gilvvuid sáhttá áin almmuhit mielde info@heavyevents.fi. Jearahallan lea suomagillii ja jorgaluvvon osiin sámegillii. Doaimmaheaddji Minna Näkkäläjärvi

  • Sämi nieidâ já Tornioleevi kandâ teeiváin kulmâ ive tassaaš. Sunnust ličij lamaš muulsâiävtuh veikkâ orroođ maadâst, mut kuittâg eellim tuálvui sunnuu maasâd teehi tavas. Riikka Morottaja já Eero Juntti naaijâv oholoopâ ääigi Anarist já tääl kuullâp sunnuu rähisvuođâ maainâs. Toimâtteijen Sara Wesslin.

  • Jagi 1998 rájes leat Bálgosiid ovttastumi ánssumidaljjat juhkojuvvon jahkásaš Boazoparlameanttas Roavvenjárggas, oktiibuot 19 nissonolbmo leat ožžon ánssumidalja ja okta dain ánssumidaljja oažžuin lei dán jagi, Giehtaruohttasa bálgosis, Gulddánlaš Ingir Siilasjoki. Ánssumidallja juhket guhkesáigásaš boazobarggu gudnin ja dán ánssumidaljja lea Ingir Siilasjoki sihkkarit ánssášan, go unnivuođa rájes lea son bohccuiguin beassan bargat. Dál moadde beaivve maŋŋel ánssumidaljja oažžuma finai doaimmaheaddji Minna Näkkäläjärvi Ingir Siilasjoki luhtte, go sus áin biebmogárddis muhtin mieseálddut ja moadde čearpmaha "hoittus" .

  • Ollugat hálidedje čoahkkanemiin čájehit Suoma láhkaásaheaddjiide, ahte sii eai dohkket guolástuslága paragráfa mii duvdila eret báikki olbmuid johkagáttiin. Pekka Kokkonen Anár Bárttet siiddas ja Tauno Haltta Anár Nelllm siiddas maid bođiiga čájehit ja muitalit iežaska oaivila Suoma stáhta meannudeamis. Dá raporta Anáris geasesmánu 1. beaivve eahkedis. Doaimmaheaddji: Jovnna Aikio

  • Aanaar škovlâ rehtor sajasâžžân lii väljejum Elle-Máret Näkkäläjärvi
    Toimâtteijen Anja Kaarret já Minna Näkkäläjärvi

  • DTT 1.6.2017 Antti Ohenoja, meccihaldâttâs kieddihovdâ,
    muštâl maht sii áiguh Kilpisjäävri kuávlust tivvoođ puáris koorsu talgoin.
    Toimtteijen Anja Kaarret ja Minnä Näkkäläjärvi

  • Eanodaga skuvlla sámerieggá mánát Oleanna Näkkälä, Sara-Maria Magga, Anna Labba ja Mihkkal-Mahtte Magga fidne jearaheame Sámerádio bargiin Minna Näkkäläjärvis ja Anni-Saara Palttos čavgá gažaldagaid rádiobarggu birra. Dál beassat gullat makkár áššit daid nuorra rádiodoaimmaheaddji álgguid beroštahttet. Doaimmaheaddjin Minna Näkkäläjärvi

Inga kommande avsnitt

Klipp

  • Sámisostera Buorre boahtteáigi – Boazosápmelaččaid buresveadjima ja oassálastima ovddidanprošeakta ordne Searas boazosámiide lášmmohallanbottuid Heahtás ja Gárasavvonis. Saara Ketola lea daid joavkkuid movttegis jođiheaddji ja dál gullatge ahte maid jurddaheaba Heahta SBS-joavku lášmmohallit Káren-Ann Proksi ja Marja Näkkälä. Muhto álggos vehá lášmmohallat. Doaimmaheaddjin Minna Näkkäläjärvi

Lyssna också