Beaivvi sagat

må 11.5.2015

  • 10 min
  • tillsvidare

Gárasavvonalaš Berit-Ellen Juuso lea dál okta dain hárvenaš sámegielat erenomašoahpaheddjiin Suomas. Juuso loahpabargu gieđahalla guovttegielat mánáid hástalusaid oahppamis, sámegiela geahččanguovllus. Dál gullat eanet makkár oahppanhástalusat guovttegielat mánáin leat ja mot daid sáhttá oahpahusas váldit vuhtii. Doaimmaheaddjin Minna Näkkäläjärvi

Sändningar

  • må 11.5.2015 9.20 • Yle Arenan

Avsnitt

  • Deanu bivdolobiid dán geassái beassá oastit Njuorggámis lávvardaga 27.5. Seamma áiggiid álgá lohpevuovdin maiddái Ohcejotnjálmmis. Gáregasnjárgga lobiid fidne geassemánus, lávvardaga 3.6. ja 17.-18.6. Ja dál lea sáhka báikegotti olbmuin geain lea guolástanvuoigatavuohta Deanus.
    Hattit leat gorgŋon diimmážis ja moadde earáge ođđa ášši gártá váldit vuhtii Deanu bivddus go ođđa bivdonjuolggadus lea boahtán fápmui, muitala guolledoalloáššedovdi Kare Koivisto Ealáhus-, johtalus- ja birasguovddážis. Doaimmaheaddji: Jouni Aikio

  • Ikte 17.5.2017, Eanodaga gieldda váldostivrra čoahkkimis ledje ovdan guokte stuora ášši, mat bohtet rievdadit gieldda doaibmanmálliid ja mearrádusdahkama.
    Vuosttážin lei eanodaga Kehitys Oy sirdin fas Eanodaga gieldda vuollasažžan ja nubbi stuora ášši váldostivrra čoahkkimis lei dat, ahte Eanodaga gieldda luohttámušolmmoš organiseren rievdaduvvo ja rievdadeapmi álgá juo vuosttáš beaivve geassemánu rájes. Maid váldostivrra, Johtti Sápmelaččat listtu ovddasteaddjit, Berit-Ellen Juuso ja Janne Näkkäläjärvi smiehttaba Eanodaga gieldda luohttámušolmmoš organiserenrievdadusas, dán gullat dál. Doaimmaheaddji Minna Näkkäläjärvi

  • Ovttastuvvon Našuvnnaid Bistevaš foruma čoahkkimis New York:is cuoŋománu álggus celkkii Suoma Sámedikki nubbi várresátnejođiheaddji Tuomas Aslak Juuso maid Sámedikki dearvvuođaid ONa váldočoahkkimii.
    ON:as leat dál juo moadde jagi leamašan ráđđádallamat jođus álgoálbmogiid áici lahtu dohkkeheamis ON váldočoahkkimii ja dál loahpageahčen daid ráđđádallamiid, meinne Sámedikki nubbi várresátnejođiheaddji, ahte áin sáhttá leat dat ášši oalle bahkka buđet muhtin riikkaide dohkkehit. Doaimmaheaddjin Minna Näkkäläjärvi.

  • Eurovisio lávllun gilvvohallamat ledje vahkkoloahpas ja dál gullat guovtti Eurovisio fánsa Heli Aikio ja Outi Paadar jurdagiid vuoitulávllagis ja dás mot sii lávejit Eurovisio lávllungilvvu čuovvolit ja vuittiigo sudno fávorihttalávlla dán jagi. Doaimmaheaddjin Anja Kaarret ja Minna Näkkäläjärvi

  • Suoma Presideanta Mauno Koivisto lea jápman 12.5.2017. Presideanta Mauno Koivisto lei jámedettiin 93- jagi boaris. Suoma Sámedikki guhkesáigašaš presideanta Pekka Aikio muittaša su deaivvadeami Presideanta Koivistoin. Doaimmaheaddji Minna Näkkäläjärvi

  • Gáregasnjárgalaš dánsunjoavku, Sávjabávtti nieiddat besse - dánsain Dánsuma dolla viidaset Roavvenjárgii Riikaviidosaš nuoraid dáiddadáhpáhussii. Guldal makkár dovdduiguin dánsojeaddjit ja oabbažagat Biret-Inga, Sara-Marja ja Bigga-Risten Pieski leat maŋŋel vuoittiid nammadeami, vehá ovdál ruoktot vuolgima. Doaimmaheaddji Minna Näkkäläjärvi.

  • Vuohču nieiddaid movttegis dánsunčájáhus Giđđa ii dál dán háve beassán viidáset riikkaviidosaš dáiddadáhpáhussii Roavvenjárgii, muhto Lotta Sieppi ja Helli Alakorva leigga goitge hui duhtavaččat dáiddadáhpáhusreisui, go beasaiga iežásga ustibiiguin oaidnalit. Maid oahpaheaddji Elli-Marja Hetta liikui dáhpáhussii, main songe lea unnin beassan leat mielde. Doaimmaheaddji Minna Näkkäläjärvi

  • Sámenuoraid dáiddadáhpáhusa lulimus guossit leigga Heahttái boahtán gitta Roavvenjárgga rájes. Eadni Rauna Rahko-Ravantti lei háliidan iežas nieiddážii Ruutii, čájehit man somás dáhpáhusas lea jearaldat ja man ollu sámemánát leat oktii čoahkkánan stoahkat ja suohtastallat dáiddadáhpáhusa namas. Doaimmaheaddji Minna Näkkäläjärvi

  • Eanodahkii bohte 4.5.2017 Heahtás dollojuvvon Sámenuoraid dáiddadáhpáhusas golbma gudnebálkkašumi duojis. Okta dain bálkkášumi oažžuin lei 7. luohkkalaš Ibba Lauhamaa Bealdovuomis. Ibba lei guhká bargan dainna duodjeprošeavttain ja leige duhtávaš iežas design gáktái. Doaimmaheaddji Minna Näkkkäläjärvi

  • " Duodjebálkkášumiin sáhtášii váikko skohtera oastit" dajai 7- jahkásaš heahttálaš Joni Näkkäläjärvi.Son lei okta dain gii oaččui Sámenuoraid Dáiddadáhpáhusas Heahtás 4.5.2017 gudnebálkkašupmi iežas duojis. Maid vel jurddáhallá Joni iežas duoji ja bálkkašumi birra. Jearahallan lea suomagillii. Minna Näkkäläjärvi Jearahallan lea suomagillii

  • Xia Torikka lea Sámedikki bealis leamašan ordneme jahkásaš Sámenuoraid dáiddadáhpáhusa, dán háve Eanodahkii ja Heahttái. Anára ja Heahtá gaskkal leat telefonlinnját leamašan čuodjan báhkasin, go aivve unna, geavatlaš váttisvuođaid haga, ii leat dátges dáiddadáhpáhus ordnašuvvan. Doaimmaheaddji Minna Näkkäläjärvi

  • Sámenuoraid 4.5.2017 dáiddadáhpahusas Heahtás dánsuma duobmarin doibme baleahtadánsujeaddjit Birit ja Katja Haarla sihke ámmatdánsu Ola-Mihkku Länsman. Duopmarastima vásahusa ja hástalusaid birra muitalit dál duopmarat. Doaimmaheaddji Minna Näkkäläjärvi

Inga kommande avsnitt

Klipp

  • Sámisostera Buorre boahtteáigi – Boazosápmelaččaid buresveadjima ja oassálastima ovddidanprošeakta ordne Searas boazosámiide lášmmohallanbottuid Heahtás ja Gárasavvonis. Saara Ketola lea daid joavkkuid movttegis jođiheaddji ja dál gullatge ahte maid jurddaheaba Heahta SBS-joavku lášmmohallit Káren-Ann Proksi ja Marja Näkkälä. Muhto álggos vehá lášmmohallat. Doaimmaheaddjin Minna Näkkäläjärvi

Lyssna också