Nuõrttsäämas

Säämas uutiset 17.7.2013

  • 2 min
  • utgått

Sändningar

  • on 17.7.2013 10.00 • Yle Sámi Radio

Avsnitt

  • Mari Korpimäki alttii Sääʹmkultturfoond äʹššooumžen pâʹzzlâšttam-mannu aalǥâst. Ođđ tuâjj lij suʹnne vuäittmõš tuejjeed tuâj sääʹmkulttuur da nuõrttsäʹmmlaid ouʹdde. Tuåimteejen Sara Wesslin.

  • Täʹbbjaž Tiõrv-vuõlttõõzzâst kuulât metropoliitt Elia kueʹssreeis pirr. Mieʹldd še Katri Jefremoff da Hanna-Maaria Kiprianoff. Satu Moshnikoff mušttal suu ođđ tivttǩeeʹrj pirr. Kuulât še, ko Mihku Ilmar Laiti luõvti vueʹzz jiijjâs ǩiõtt-tuâjjhistoriast Saaʹmi arkiive. Mieʹldd vuõlttõõzzâst Inka Kangasniemi da Mihku Ilmar.

  • Jiʹhttel õlmstâʹtteš ođđ tivttǩeʹrjj nuõrttsäämas. Njuämmlaž njoikk -ǩeeʹrj lij Satu Moshnikoff raajjam. Moshnikoff leäi mieʹldd Tiõrv-vuõlttõõzzâst 15.3.2017. Tuåimteejen lie Sara Wesslin da Erkki Gauriloff.

  • Sote-kääzzkõõzzin lie leämma Sääʹmteeʹǧǧest še jiânnai tuâj. Sääʹmteeʹǧǧ sosiaal- da tiõrvâsvuõttluʹvddkååʹdd saaǥǥtuõʹlljeei Veikko Feodoroff mušttal, što puõtti lääʹjjest feʹrttai väʹldded lokku še sääʹmǩiõllsaž kääzzkõõzzid. Tuåimteei Sara Wesslin.

  • Fiʹlmmraajji Katja Gauriloff lij õõʹnam sääʹmmääccaǩ ouddmiârkkân suu fiʹlmmčuäʹjtõõzzin, ko lij leämmaž mieʹldd Mannu Mieʹcc Kaiʹssi čuäʹjtõõzzin. Son lij toobdam, što sääʹmmääccaǩ ij leäkku leämmaž ceâlai teʹl, ko suʹst ij leäkku leämmaž keäʹpper vueiʹvest. Ââʹn suu vuäʹrnnpieʹll Heidi raajii suʹnne aivv ođđ keäʹpper måkkam ij võl jeeʹres neezznin leäkku. Tuåimteejen Sara Wesslin. Mainstâʹttmõs lij lääddas, haastattelu on suomeksi.

  • Ǩiõtt-tuâjjneǩ Heidi Gauriloff raaji aivv ođđ keäʹpper sääʹmneezznid, ǩeäin jie leäkku peeʹrvesǩ leʹbe šaamšiǩ staattus. Heidi lij tuʹtǩǩääm sääʹmneezzni jeeʹresnallšem keäʹpprid da leäi tõin miõlin, što näkkam ođđ keäʹppra lij ânnʼjõžääiʹjest tarbb. Tuåimteejen lij Sara Wesslin. Mainstâʹttmõs lij lääddas. Haastattelu on suomeksi.

  • Kirkkonummi-gåårdest jälsteei Minna Moshnikoff da Heʹlssnest jälsteei Sari Saxholm mättʼtâʹlle nuõrttsääʹmǩiõl da -kulttuur liinjâst. Tät KOSAKU -kurss riâššât ââʹn ouddlõsmättʼtõʹssân da nääiʹt Sauʹjj-Lääʹddjânnmest jälsteei oummin lij še vuäittmõs mättjed maaddârääiʹj ǩiõl mååuʹšt. Måtmešt ǩiõllmättʼtõs vuäitt leeʹd še lossâd. Tuåimteejen Sara Wesslin.

  • Nuõrttsäʹmmlaž Maarit Kiprianoff lij õhtt tõin, ǩeäk feʹrttai tuärrad sääʹmǩiõllsaž vuâđđškooul mättʼtõõzzâst vueiʹvvgååradvuuʹdest. Sääʹmǩiõll ij juätkk ǩiõllpieʹzzest škooulmailmma da sääʹmpuärraz âʹnne tõʹst jiânnai huõl. Ââʹn kuulât Maarit Kiprianooff juʹrddji pirr, što mäʹhtt lij jieʹlled nuõrttsääʹmneezznin vueiʹvvgååradvuuʹdest.

  • Fiʹlmmraajji Katja Gauriloff lij Eeʹjj säʹmmlaž 2016. Tät cistt uʹvddeš suʹnne mõõnni sueʹvet Aanrest, koʹst čuäʹjteš vuõssmõs vuâra suu ođđ dokumenttfiʹlmm Mannu mieʹcc Kaiʹssi. Tät peäggtõs leäi suʹnne jõnn äʹšš. Tuåimteei Susanna Guttorm mainstâʹtt Katja Gaurilooff lääddas.

  • Nuõrttsääʹmǩiõll jeäll samai hueʹneld Taar bieʹlnn Sääʹmjânnmest. Taar valdia lij alttääm sääʹmǩiõli vaʹlljkååʹdd nââneed sääʹmǩiõlid, leâša tän tuâjast ij leäkku nõõmmtum nuõrttsääʹmǩiõll ni vooʹps. Nuõrttsäʹmmlaž Venke Törmänen Paaččjooǥǥâst tuåivv, što Taar valdia piijjči jeänab resuurs še nuõrttsääʹmǩiõl jeälltummša, håʹt aainâs Lääddjânnam bieʹlnn lie nuõrttsääʹmǩiõl jeälltemtuåimm mõõnnam õõutårra. Nääiʹt Venke mušttli suu nuõrttsääʹmidentiteett pirr NRK mainstâʹttmõõzzâst tääras. Tuåimteejen NRK Sääʹmjânnam Piera Balto.

  • Taar beäʹlnn lij čiõlǥtum sääʹmǩiõli sââʹj. Taarrest mainsted koumm sääʹmǩiõl: tâʹvvsääʹmǩiõl, saujjsääʹmǩiõl di julevsääʹmǩiõl. Nuõrttsääʹmǩiõl sââʹj lij hueʹnn âʹnnjõsääiʹj Taarrest da nuõrttsäʹmmla jälste Saujj-Varanger -vuuʹdest, kååʹtt ij kooll Taarr sääʹmvoudda. Sääʹm õllškooul di Taarr valdia sääʹmǩiõl vaʹlljkååʹdd vuässlaž Jon Todal mušttal, što nuõrttsääʹmǩiõʹlle lie jiânnai ääuʹǩ, håʹt tõt ij leämmaž sääʹmǩiõllčiõlǥtummšest mieʹldd. Tuåimteei Rosa-Maren Magga.

Inga kommande avsnitt

Lyssna också